Кыргызча сайттар каталогуна 1 жыл!

Автор: Марат Дата публикации: 15:08:00 / коммент. : 0

Бүгүн ucoz.ruдагы «Кыргызча сайттар каталогу» 1 жашка чыкты!

Кыргызча сайттардын топтомун түзүү максатында ачылган сайтта бүгүн 556 сайт катталган. Алардын 512си кыргыз тилинде «сүйлөгөндөр».

Мынча маалыматты жалгыз топтой албайт элем. Бул сайт ачылгандан бери аны сүрөөнгө алып, дайым жардамдарын берип келген окурмандарды, досторду таба алдым. Бул биздин алар менен чогуу ийгилигибиз.

Алдыда дагы чоң пландарыбыз бар. Буюрса, бул сайт кыргызча сайттар боюнча эң чоң топтом гана болбостон, кызыктуу сайттар, интернеттин пайдалуу мүмкүнчүлүктөрү тууралуу да жакшы маалымат булагы болот.